Жақында Алматыда өткен концерттің бірінде жас әнші Мақпал Исабекова мен оның продюсері Эрик Тастамбеков сахна сыртында аяқ астынан шу шығарып, сол күнгі өтіп жатқан шараға қатыспай кетіп қалған көрінеді. Әңгімені әріден баста­сақ, ұзынқұлақтың айтуынша, Мақпал Исабекова көпшілікпен бірге отырмайтынын жеткізіп, өзіне жеке гример бөлмесін сұ­райды.
Алайда ұйымдастырушылар мен Рес­публика сарайының қызметкерлері мұндай мүмкіндік ешуақытта ешкімге жасалынба­ғанын айтып, халық әртістерінің өзі бір бөлмені бірнешеуі бірігіп пайдаланатынын түсіндірмек болады. Оның үстіне, әртістердің киім ауыстыратын орындары санаулы бол­ғандықтан, кеш иелері Мақпалға Қара­қат Әбілдина мен Мәдина Сәдуақасоваға көр­ші жайғасуды өтінеді. Алайда бұл ұсыныс бір-екі мәрте Ресей сахнасының дәмін тат­қан әнші мен оның продюсерінің көңілінен шықпайды. Сөйтіп, ілік іздеген екеу келі­сімге келмей, есікке қарай беттейді. Жүр­гізушілерге амал жоқ залдағы көрермендер алдында «Мақпал гастрольде жүруіне бай­ланысты, бүгінгі кешімізге келе алмады» деп өтірік айтып, ақталуына тура келеді...

Меруерт Түсіпбаева
Берік Исмайылов атты жеке модельері бар. Аяқ киімдерін арнайы Франциядан алдырады. Бір киген киімін сахнаға қайталап киіп шығуды қаламайды. Әріптестерінің киіну стиліне дән риза.

Танымал әнші Рамазан Стамғазиев ҚР еңбек сіңірген қайраткері Тұрсынжан Шапайдың «Арман» әніне бейнеклип түсірді.

Семейдің мамандандырылған балет мектебінің тәрбиеленушілері Финляндияның астанасы Хельсинкиде өткен «Жер шарының жастығы» Халықаралық байқауында бірінші орынды иеленді және бірінші дәрежелі дипломмен марапатталды.

Шымкенттік «Мұнарлан» тобы талай байқауларға қатысып, жүлделі орындарды иеленді. Олар өнерлерін одан әрі шыңдай түсу үшін Алматы қаласына қоныс аударды.