КТК телеарнасы өз көрермендерін 4-ші сәуірде сағат 22.00-де “Мәссаған” атты, қалақай қалжың, әжуа-әзіл, мыңшұңқыр мысқылдың мерекелік шоуын тамашалауға шақырады. Сатира сарбаздары – “Шаншар” мен “Астана KZ”, “Күлкі керуені” мен “Аграрка Сарбаздары”, Лидия Кәденова мен Қарағандының қыздары, “Шымкент шоу” мен “Алматы құрамасы” һәм өзге серкелер юмормен сүзісіп, еңсесі түскенді езу жиғызбай емдейді. Көріңіздер, күлкіге кенеліңіздер!

– Нұрлан, сізді соңғы кездері эфир­ден жиі көретін болдық. Ән­ші­лігіңізге қарағанда, жүргізушілік қа­білетіңіз басым түсіп бара жатқан сияқ­ты...
– Негізі, мен – әншімін. Ком­по­зиторлығым содан кейінгі орын­да. Бірақ шынында, кейінгі уа­қыт­та ел мені тележүргізуші деп та­ни­тын болды. «Жұлдызбен жүздесу» бағ­дарламасы арқылы көзге түсе бас­­тағаным рас. Дегенмен жүрегім ән деп соғады. Арыс қаласындағы му­­зыкалық мектептің домбыра сы­­­­­ныбын бітіріп, жастайымнан әнге құштар болып өстім. Әу баста Ал­матыға Сейфуллин Жолба­рыс­тың шақыртуымен өнерімді на­си­хат­тайын деп келген едім. Сон­дық­тан әрдайым «мен журналист не­месе тележүргізуші емеспін» деп ашы­­ғын айтып отырамын. Бір қы­зы­ғы, басқа телеарналардан «бізге кел­сеңізші, хабар жүргізіңіз» деген ұсы­ныс түсіп жатыр. Оларға да «ке­­шіріңіздер, мен ең әуелі ән­ші­мін» деп жауап қайтарамын.

Жақында белгілі әнші Ұлықпан Жол­­дасовтың жетекшілігімен «Каспий» тобы құрылды. Топ құрамында осыған дейін «Нұр­лан мен Мұрат» дуэтінде өнер көр­сеткен Мұрат Қожа, «Әнші балапан» бала­лар байқауынан танымал Ақылбек Жеме­ней, сондай-ақ жас таланттар Ер­сұл­тан Қалдәулетов, Дидар Оңалбаев және Ұлық­пан Жолдасовтың өзі бар. Бұл топтың бас­қа­лардан ерекшелігі, бес жігіт те гитарада ойнайды. Әзірге бес гитара­мен өнер көрсе­тіп жүрген әншілер, алда­ғы уақытта домбы­раны қатар алып жүруді көздеп отыр. Мұрат Қожа мен Ақылбек Жеменей бөлек ән жа­зып, жеке шығар­машылықтарымен де ай­на­лыса береді. «Каспий» атауына тоқтал­сақ, Ұлықпан Жолдасов «Су бар жерде, тіршілік бар. Оның үстіне осыған дейін «Алатау» трио­сы, «Хан тәңірі» деген топтар болған. Әри­не, еліміздегі асқақ тау мен алып шың­ның құрметіне қойылғаны бел­гілі. Сондықтан біз де дүниежүзіне таны­мал Каспий те­ңізі­нің атын иемденуді дұ­рыс деп таптық. Біздің топтың осы телегей теңіз секілді аты шықса, жаман болмас еді» дейді.