Топ әншілері – Аян Жаймағанбетов және Ералы Момышев. Астаналық топ 2004 жылы құрылған. Жігіттердің айтуынша, «Дабыл» деген сөз – қазақтың ұрмалы көне аспабының атауы.

Сондай-ақ «жақсылық жаршысы болсақ» деген игі ниетпен де осы ат таңдап алыныпты. Әзірге әнқоржындарындағы 20-ға жуық әндерін тыңдармандарға ұсынып жүрген жігіттер Кеңес Дүйсекеев, Бейбіт Оралұлы, Арман Бексұлтан, Қайрат Баекенов, Хамит Шаңғалиев сынды композитор ағаларымен шығармашылық байланыста.