Жалт етеді бір үміт тайып беріп,
Жалынамын жанымды жайып көріп.
Қаным сыймай барады арнасына
Қосылғандай Ілеге Жайық келіп.

Жарығым-ай,
Тұман торлап жүзіңе қанғаным-ай.
Деуші еді ғой, "Жалғыздың жары - Құдай",
Неге таси береді қаным удай?
Жарығым-ай.

Қосылғанда екі өзен, тасығанда,
Тал қармаймын, жағаға асылам да.
Шыңыраудан шыға алмай, шыдам кетіп,
Тағдырыма шынымен бас ұрам ба?

Жарығым-ай,
Тұман торлап жүзіңе қанғаным-ай.
Деуші еді ғой, "Жалғыздың жары - Құдай",
Неге таси береді қаным удай?
Жарығым-ай.

Қорқып тұрам орнымнан, қорқып жатып,
Толқын кетіп барады толқындатып.
Бәрі келіп тоғысып жүрегімнің
Жағалауын тебеді солқылдатып.

Жарығым-ай,
Тұман торлап жүзіңе қанғаным-ай.
Деуші еді ғой, "Жалғыздың жары - Құдай",
Неге таси береді қаным удай?
Жарығым-ай.