2019 жылдың 1 қаңтарынан бастап, шетелге шығатын жасөспірімдерге төлқұжат міндеттеледі, деп хабарлайды juldyz.kz zakon.kz -ке сілтеме жасап.
«Әлемдегі лаңкестік пен экстремизм қаупінің күшеюіне байланысты, көптеген елдер шекараларынан өткізу тәртібін қатайтуға мәжбүр болды. Мемлекеттің шекарасынан өту үшін ата-анасымен бірге елден сыртқа шығатын 16 жасқа дейінгі балалардан Қазақстан Республикасының азаматы (мысалы, Шенген аймағындағы Еуропа елдері, АҚШ, БАӘ және т.б.) екенін растайтын құжаттың болуын міндетті талап ретінде қарастыратын елдердің саны артуда», — деп атап өтті министрлік.
