Қазақстан Президенті «Бурабай» гольф клубының ашылу рәсіміне қатысты. Бұл туралы Ақорданың ресми сайтына сілтеме жасап, juldyz.kz хабарлайды.
Мемлекет басшысы рәсімге қатысушыларды жаңа спорт нысанының ашылуымен құттықтап, өңірдің туристік әлеуетін арттырудың маңыздылығын атап өтті.
Елбасы жаңа жобаның іске асырылуы отандық және шетелдік туристердің курорттық аймаққа қызығушылығын одан әрі арттыруға және келушілер санының көбеюіне септігін тигізетінін айтты.
– Біз Бурабайды Қазақстанның перспективалы туристік бағытының бірі ретінде дамытқымыз келеді. Бұл осы өңірге туристер мен спорт сүйер қауымды тарту мақсатымен жасалып отыр, – деді Нұрсұлтан Назарбаев.
