«Астана» футбол клубының бас менеджері Саят Хамитжанов клубтың атын өзгерту туралы ұсыныстар түсіп жатса, қарсылық танытпайтынын айтты. Бұл туралы juldyz.kz порталы Nur.kz сайтына берген сұхбатына сілтеме жасап хабарлайды.
«Жеке маған «Нұр-Астана» атауы расымен де ұнайды. Егер команданың атын өзгерту туралы ұсыныстар түссе, қарсылық білдірмеймін. Сондай-ақ президенттің мемлекет дамуына қосып жатқан үлесін ескеретін болсақ, меніңше, клубтың атын «Нұр-Астана» деп өзгерту әділетті шешім болады деп ойлаймын»,-деді Саят Хамитжанов.
Айта кетейік, Саят Хамитжанов 2014 жылдан бері «Астана» футбол клубының құрылымында жұмыс істеп келеді. 2015 жылдан бері клубтың бас менеджері қызметін атқарады.