«Бұл атауды қайдан алдым?Бұрыннан тарихқа құштарлығым бар еді. Үйде Махмұд Қашғаридың томдары болатын. Соны қарап жүретінмін. Сосын «неге атауды осы түркі сөзімен байланыстырып алмасқа?» деп ойладым. Алғашында екі сөзден құралғанда әдемі шықты: «Уз және Арт».Осы екі сөз «сері, паң жігіттер» деген мағынаны білдіреді. Содан топта үш «М» бар деп ойладым. Яғни, Мейрамбек, Мақсат және Майғазиев. Сол себепті «М+Уз+Арт» деп атағанды жөн көрдім».

«Жазда топ құрылып, қараша айының 18-не дейін атаусыз жүрді. 18 қарашада біздің тойымыз болды. Сол кезде атау қою бақыты маған бұйырды. Сөйтіп, алғаш рет осы атаумен шықты», — дейді актер.