Ішкі жағдай бапкерлерге, боксшыларға жақсы таныс шығар. Бірақ дәл бұл жерде федерацияның еш кінәсі жоқ. Себебі, бүкіл жағдайды жасады. Жалпы, біздің елде боксқа жақсы жағдай жасалған. Боксшылар алаңсыз жаттыға алады, өздерінің материалдық мүмкіндіктері үшін еш қам жемейді. Дегенмен біздің боксқа тың серпіліс әкелу үшін федерация бапкерді ауыстыруы керек шығар. Дәл біздің бокста бәсекелестік бар. Резервте тұрған жастар жеткілікті. Бірінші нөмір саптан шықса, оны басқа боксшы еркін алмастыра алады. Бізде ешқандай проблемасы жоқ бір спорт болса, ол – бокс шығар. Ал ондай нәтижеге жеткізіп отырған федерация. Сондықтан оның еңбегін ескермей қоюға болмайды. Бірақ біздегі бір минус – Қазақстанда төрешілерді дайындау мәселесі ақсап тұр. Азия ойындарында бірде-бір қазақстандық төреші болмады. Әрине, Азиададағы сәтсіздігімізді бұл мәселемен байланыстыруға келмейді. Алайда осындай ірі турнирлерде әлемдік бокс державасы атынан бір төрешінің болмауы бізге сын.

Бізде жастар арасында Әлем чемпионы болған спортшылардың көбі кейін ұлттық құрамаға іліне алмайды. Соның бірі – Садриддин. Ол 69 келіде жастар арасында әлемнің алтынын алды. Бірақ өзіне ұлттық құрамада орын жоқ екенін біліп, кәсіпқой боксқа кетіп қалды. Өйткені ол кезде Данияр Елеусінов әлі бір шешімге келмей, біресе әуесқойға келіп, біресе кәсіпқойға ауысамын деп жүрген болатын. Сол кезде Садриддин ауысып кетті. Бұл да – үлкен жоғалту. Одан кейін жастар арасында Әлем чемпионы атанған Шалқар Айқынбай, Сұлтан Зауырбек деген жігіттер және жасөспірімдер арасындағы олимпиада ойындарының күміс жүлдегері Казаков деген спортшы болған. Қазір осылардың ешбірі жоқ. Олар қайда кетті? Неге біз оларды ересектер арасына тартпаймыз? Шалқар өз салмағында үшінші боксшы, ал Сұлтан кәсіпқой боксқа кетті. Алайда олардың бір қателігі – Қазақстан чемпионатында жеңіліп қалды.

Бәсекелестік – дамушы елдерде көп болады. Тиісінше, көршілер де жиі бәсекелеседі. Спортта бәсекенің болуы заңдылық. Бірақ қазақ пен өзбек арасындағы бәсеке тәуелсіздік алғаннан бері келе жатыр. Мен Азия ойындарындағы нәтижемен бүкіл елдің спорттық дамуын салыстыра алмаймын. Негізгі көрсеткіш – олимпиада ойындары. Өзбектер көп алтынды өздеріне таныс ойындардан алды. Ал олимпиадалық спорт түрлерінен алған жүлделерді салыстыратын болсақ Қазақстанның нәтижесі жаман емес. Мысалы, біз семсерлесуден, каратэден алтын алдық. Бұл – өрлеу. Сондықтан спорттағы екі ел арасындағы текетірес жалғаса береді. Қалыпты жағдай. Оған сонша уайымдаудың қажеті шамалы. Ал Мирзиеев келгелі Өзбекстан бойынша өзгеріс, соның ішінде Ұлттық олимпиада комитетінде өзгеріс болып, жаңа басшылар келді. Жаңа бастықтың бастамасы кейде сәтті болады, кейде сәтсіз болады. Мәселен, бізде Құлыбаевтың жаңадан келгеніне қарамастан, әлі керемет нәтиже бола қойған жоқ. Екі үлкен жарыста қатарынан жоспар орындалмай отыр. Біреуі – қыста болған Пхенчхан ойындары, екіншісі – осы жолғы Азиада. Енді оны өздері саралап, қорытынды жасай жатар. Ал Өзбекстанға келетін болсақ, бұл жолғы Азиада – ол елдің олимпиада комитетіндегі жаңа басшылықтың алғашқы үлкен табысы. Екі ел арасындағы бәсекелестік жалғасады. Ол үйреншікті жағдай. Бірде Өзбекстан, бірде Қазақстан озады.

10 раундқа жоспарланған жекпе-жек жетінші раундта аяқталды. Алғашқы раундта Батыр ногдаунға түсіп қалған еді. Алайда екінші кезеңнің аяғынжа Батыр Жукембаев ауыр соққыларымен басымдылығын көрсетті. 7 раунда Жүкембаев қарсыласын нокаутқа жіберді.

Жібек Құлымбетова ұлдар арасындағы жекпе-жекке белдесіп жеңімпаз атанды.

Ескере кетсек, Жібек осы спорт түрі бойынша әлем чемпионы.

Айта кетсек, бұл турнирд мәнерлеп сырғанаудан алтынға медаль жапондық Рики Кихира, ал қола ресейлік Светлана Константинова бұйырды.

Америка Құрама Штаттарының Лос Андежелос қаласында қазақстандық боксшы Генадий Головкин мен мексикалық боксшы Сауль Альварес жекпе- жекке шықты.

Бірінші раундта екі боксшы да тең шықты.  Соңғы раундта Головкин жойқын соққыларын көрсетті. Алайда төрешілердің шешімі бойынша Сауль Альвареске жеңіс бұйырды.

Генадий шешімді ести сала,  ешқандай пікір білдірмей рингтен шығып кетті.

Алайда кейіннен ол өз пікірін білдірді.

«Мен кім жеңу керек еді деп айтпаймын. Себебі əділ-қазылардың шешімі бойынша жеңіс «Канелоға» тиесілі. Меніңше, жанкүйерлер үшін қызықты жекпе-жек болды. Мен одан жақсымын деп ойлағанмын.», -деді Головкин.

Бұл жекпе-жекте Головкин барлық белбеуін конға салған еді. «Канело» Головкиннің белбеулерін алып қана қоймай, WBC белбеуін және The Ring титулын жеңіп алды.

Алайда, халық Геннадий Головкинге қолдау көрсетті . » Біз үшін сен чемпионсың», «Жеңіс бар жерде , жеңіліс бар » деген пікірлер білдірді.

Тіпті, ел іші төрешілердің шешімін «əділетсіздік» деп есептеп,  ызаланды.

Финалға дейін жеткен спортшы, ақтық мәреде өзбекстандық спортшы Бекзод Абдрохмоновтан жеңіліс тапқан.

Сонымен қатар, 86 кг салмақпен белдескен спортшы Әділет Давлумбаев үшінші орынға жайғасып, қоржынымызға қола медалін салды. Құттықтаймыз!

Спортшы өзінің жеңісін жақында ғана қайғылы оқиғамен қайтыс болған спортшы Денис Тенге арнайтындығын жеткізді.

«Сөзсіз жеңісімді бүкіл Қазақстандықтарға арнаймын. Денис Тенге арнаймын. Қайғылы оқиға. Қорқынышты. Айта сөзім жоқ»,-деді спортшы.

Белгілі 25 жастағы спортшы  Денис тен қайтыс болды.

Алматы қаласындағы Құрманғазы мен Байсейіт көшесінің қиылысында спортшыны пышақтап кеткен. Суық қару иелері Денистің көлігінің  әйнегін ұрламақшы болған. Ұрылардың қылмысының үстіненен түскен Денис оларды тоқтатуға кіріскен. Алайда ұрылар спортшының белінен төмен дене бөлігіне пышақ сұғып алған.

Спортшы дереу аурухана жеткізілген. Алайда,  дәрігерлер спортшының өміріне араша бола алмады. Қазақстанның атын әлемге танытқан Денис Теннің жаны жәннатта болғай!

Жыл басы мен үшін өте сәтті өтті. Халықаралық дәрежеде өткен турнир спортшылар үшін маңызды жарыстардың бірі болды. Араб Әмірліктеріне менімен бірге Қазақстаннан бірнеше спортшы барды. Осы турнирде алтын жүлде иегері атандым. 2016 жылы әлем чемпионатында алтын алған едім, 2017 жылдың әлем чемпионатында күміс медаль алып қалған болатынмын. Бұл жылы есемді қайтарамын деген үлкен мақсатым болды.

Біздің отбасымыз үшін ең бірінші кезекте білім тұрады. Ата-анамыз біздің білімімізге көп назар аударды да, менің оқудан басқа көп уақытым бола бермеді. О.Жәутіков атындағы физика-математика мектебін алтын белгімен бітіріп, Назарбаев университетіне оқуға түскен соң ғана ата-анам спортқа баруыма рұқсат етті. Ата-анам үнемі менің пікіріммен санасып, құлақ түріп отырады. Осындай түсіністігі мол ата-ана бергеніне Құдайға үлкен алғысымды білдіремін. Біз үйімізде үш қызбыз. Әкем: «Маған ұлдың да қажеті жоқ, үш қызым ұл сияқты төбелеседі», – деп қалжыңдайды. Шынында да, үшеуміз де белдесуге келгенде алдымызға жан салмаймыз. Қанша қалжыңдағанмен, іштей ата-анамның уайымдайтыны да рас. Ата-анам – менің ең бірінші жанкүйерлерім. Туыстарымның сөзінше, ата-анам мен белдесуге шыққан кезде экранды жауып отырады екен. Әпкем: «Болды, Мөлдір ұтты», – дегенше қарамайтын көрінеді. Алайда, олар қанша уайымдаса да, маған «спорттан кет» деп талап қойған емес.

Ешқашан кішкентай кезімнен киноға түсемін деп армандаған емеспін. Тіпті өнерге талпынысым да болмапты .Университетке енді ғана түсіп, студент атанып жүргенімде мені кастингтерге шақыра бастады. «Актерлік – маған арналмаған мамандық» деген оймен кастингтерге бармайтынмын. Менің фильмге түсемін деген ойым да болған жоқ, актерлік шеберліктен бірде-бір рет дәріс алған да емеспін. Алайда соңғы жылы Астанада өткен кастингке барып көрдім. Аз уақыттың ішінде үш фильмге түстім. Үшеуінде де басты рөлде ойнадым. Кастинг те мен үшін олимпиада ойыны сияқты болды. Өзіме «Мен осы басты рөлді аламын» деген мақсат қойдым.

Тарихи фильмге түссем екен деп ойлаған едім. Тәжірибемнің аздығына қарамастан, Асқар Ұзабаевтың фильмінде басты рөлді сомдайтын болдым. Кейіпкерім­ – Қарасай батырдың жары Бибігүл. Маған қазақтың дәстүрлі киімдері, олардың өзіндік стилі ұнайды. Атпен шапқанды жақсы көретін қызбын. Бағзы заманғы кейіпкер ретінде ойнау адамға ерекше әсер қалдырады екен. Тарихи фильмге түскен ұнады. Спортқа жақын болуым бұл тұрғыда маған көп көмегін тигізді.

Сұхбаттасқан Айнұры ЕСЕНҒАЛИ

(Сұхбаттың толық нұсқасын «Жұлдыздар отбасы» журналынан оқи аласыздар)

«Бүгін Мемлекет басшысы «Қазақстан Республикасының Тұңғыш Президенті — Елбасы Нұрсұлтан Назарбаев» орденімен марапаттады. Нұрсұлтан Әбішұлына жан-жақты қолдау үшін алғысымды білдіремін. Мен үшін Қазақстан намысын әлемнің үздік ареналарында қорғау — үлкен мәртебе.»,- деп жазды Головкин