Оразбаев Сәбит Қоңырбайұлы, актер, ҚР халық әртісі, Мемлекеттік сыйлықтың лауреаты, «Еңбек қызыл ту», «Парасат», «Отан», 1-дәрежелі «Достық» ордендерінің, «Мәдениет үздігі» төсбелгісінің иегері.
Туған жері: Оңтүстік Қазақстан облысы, Арыс ауданы
Туған жылы: 29 қаңтар, 1936 жылы
Білімі: 1955-1959 жылдары Құрманғазы атындағы Қазақ Мемлекеттік Ұлттық консерваториясының театр факультеті, мамандыға актер;
Еңбек жолы:
1960 жылдан бері М. Әуезов театрында еңбек етеді.
Марапаттары:
- 1976 ж. Қазақстан Республикасының халық әртісі;
- 1994 ж. ҚР Мемлекеттік сыйлығының лауреаты;
- 1994 ж. Өзбекстан Республикасының еңбек сіңірген әртісі.
Ең алғаш Қ. Мұхамеджановтың «Бөлтірік бөрік астында», «Құдағи келіпті», Қ.Шаңғытбаев пен Қ.Байсейітовтің «Беу, қыздар-ай!» спектакльдерінде жарқырады. Жарты ғасырдан аса шығармашылық өмірінде қазақ және әлем классикасы, қазіргі заман драматургиясынан жүзге тарта сахналық кейіпкер сомдады. Олар:
- Ғ. Мүсіреповтің «Қозы Көрпеш-Баян сұлуындағы» Жантық;
- Ә. Тәжібаевтың «Майрасындағы» Дүрбіт;
- З. Шашкиннің «Жаяу Мұсасындағы» Жаяу Мұса;
- А. Островскийдің «Жазықсыз айыптылардағы» Муров;
- Қ. Мұхамеджанов, Ш. Айтматовтың «Көктөбедегі кездесуінде» Исабек;
- О. Бодықовтың «Дала тұтқынындағы» Достоевский;
- Т. Ахтановтың «Антындағы» Әбілхайыр хан;
- Н. Гогольдің «Ревизорындағы» Дуанбасы;
- Ә. Нұрпейісовтің «Қан мен теріндегі» Сүйеу;
- Ә. Таразидің «Жолы болғыш жігітіндегі» Асан;
- Д. Исабековтің «Тыныштық күзетшісіндегі» Демесін;
- Чеховтың «Сүйікті менің ағатайымындағы» Серебряков;
- А. Сүлейменовтің «Төрт тақта-жайнамаз» драма-диалогындағы Әбдінәсім шал;
- Д. Исабековтің «Ескі үйдегі екі кездесуіндегі» Айтөре;
- Б. Мұқайдың «Өмірзаясындағы» Әли;
- Қырғыз драматургы М. Ғапаровтың «Тұзды шөліндегі» Президент;
- К. Аширдің «Қабыл – Адам ата перзентіндегі» Ібіліс;
- М. Байсеркеновтің «Абылайханның ақырғы күндеріндегі» Бұқар жырау;
- Ф. Буляковтың «Отыз ұлың болғаншасындағы» Абдулла;
- Қырғыз драматургы Б. Жакиевтің «Жүрейік жүрек ауыртпай…» драмасындағы басты кейіпкер Қария;
- М. Әуезовтің «Абай» трагедиясындағы Мағауия;
- З. Шашкиннің «Жаяу Мұсасындағы» Мұса;
- Ш. Айтматовтың «Ана-Жер-анасындағы» Майсалбек.
